ՀՀ Պաշտպանության Նախարար Սեյրան Օհանյանի հանդիպումը ԱՄԷ Հայ Համայնքի ներկայացուցիչների հետ

25 նոյեմբերի, 2012

Ս.թ. նոյեմբերի 25-ին Աֆղանստանի Միջազգային անվտանգության աջակցման ուժերի կազմում գործող հայկական ուժերին այցելելու նպատակով Քաբուլ մեկնելու ճանապարհին ԱՄԷ-ում ՀՀ դեսպանության և Դուբայի ու Հյուսիսային Էմիրությունների Ազգային վարչության նախաձեռնությամբ Շարժայի Բիեր Քէօսէեան սրահում կազմակերպվեց Հայաստանի Հանրապետության պաշտպանության նախարար Սեյրան Օհանյանի և նրա գլխավորած պատվիրակության հանդիպումը հայ համայնքի ներկայացուցիչների հետ:

Հանդիպումից առաջ ՀՀ պաշտպանության նախարարն այցելեց Սբ. Գրիգոր Լուսավորիչ եկեղեցի և մոմավառություն կատարեց:

Քէօսէեան սրահում կայացած հանդիպման սկզբում ԱՄԷ-ում ՀՀ դեսպան Գեղամ Ղարիբջանյանը ներկայացրեց նախարար Սեյրան Օհանյանի երկարամյա գործունեությունն ու մեծ ներդրումը ՀՀ պաշտպանության, նրա դիրքերի ամրապնդման և ղարաբաղյան պատերազմի հաղթանակի ազգանվեր գործում:

ՀՀ պաշտպանության նախարարն իր ելույթում խոսեց Հայոց բանակի անցած քսանամյա ուղու, զինված ուժերի կայացման, Հայաստանի սահմանների պաշտպանության խնդիրների, ինչպես նաև միջազգային տարբեր խաղաղապահ ուժերում ՀՀ ԶՈւ իրականացրած առաքելության մասին:

Հանդիպման վերջում նախարար Ս. Օհանյանը պատասխանեց ներկաների հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր