Համագործակցություն ՀՀ և ԱՄԷ միջև մաքսային բնագավառում

13 հունվարի, 2013

Ս.թ. հունվարի 11-13-ը Երևանում անցկացվեցին քննարկումներ ՀՀ և ԱՄԷ միջև մաքսային բնագավառում փոխգործակցության զարգացման խնդիրների շուրջ:

Քննարկումների արդյունքում նախաստորագրվեց «Հայաստանի Հանրապետության կառավարության և Արաբական Միացյալ Էմիրությունների կառավարության միջև մաքսային գործերում համագործակցության և փոխադարձ օգնության մասին» համաձայնագրի նախագիծը:

Փաստաթուղթը հայկական կողմից նախաստորագրեց ՀՀ մաքսային ծառայության միջազգային համագործակցության վարչության պետ Կարեն Բեգլարյանը, իսկ էմիրաթյան կողմից՝ ԱՄԷ մաքսային դաշնային ծառայության միջազգային կապերի վարչության տնօրեն Սաուդ Սալեմ Ռաշիդ ալ-Ագրուբին:

Արաբական Միացյալ Էմիրությունների մաքսային դաշնային ծառայության ներկայացուցչին ընդունեց նաև ՀՀ ԿԱ Պետական եկամուտների կոմիտեի նախագահ Գագիկ Խաչատրյանը: Հանդիպման ընթացքում քննարկվեցին երկու երկրների մաքսային ծառայությունների միջև հետագա համագործակցության և փոխադարձ հետաքրքրություն ներկայացնող հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր