Հայ-էմիրաթյան գործարար կանանց աշխատանքային հանդիպումը

27 հունվարի, 2013

Ս.թ. հունվարի 27-ին Դուբայում կայացավ ԱՄԷ առևտրաարդյունաբերական պալատի գործարար կանանց խորհրդի և ՀՀ առևտրաարդյունաբերական պալատին կից "գործարար կանանց աջակցման բիզնես կենտրոն" հիմանդրամի աշխատանքային հանդիպումը, որին մասնակցում էին ՀՀ և ԱՄԷ տարբեր ոլորտների գործարարներ, այդ թվում՝ արաբ գործարար կանանց խորհրդի նախագահ Շեյխա Հասսա Ալ Սաբահը

Հանդիպման ընթացքում կողմերի միջև ստորագրվեց "Համագործակցության մասին Փոխըմբռնման հուշագիր", որը միտված է երկկողմ փոխգործակցության զարգացմանն ու համատեղ տարբեր ծրագրերի իրականացմանը, սեմինարների ու փոխայցելությունների կազմակերպմանը և այլն:

Նշյալ փաստաթուղթը հայկական կողմից ստորագրեց՝ ՀՀ ԱԱՊ գործարար կանանց աջակցման բիզնես կենտրոն հիմնադրամի տնօրեն Լիլյա Գևորգյանը, իսկ էմիրաթյան կողմից՝ ԱՄԷ գործարար կանանց խորհրդի նախագահ Ֆաթիմա Ալ Ջաբերը:

Հանդիպմանը Հայաստանին նվիրված զեկուցումով հանդես եկավ հայկական պատվիրակության ղեկավար Լ. Գևորգյանը, ով ներկայացրեց Հայաստանի ներդրումային, արտահանման ու ներմուծման հնարավորությունները՝ հայտնելով հայ գործարարների պատրաստակամությունը երկկողմ առևտրատնտեսական համագործակցությունը խթանելու ուղղությամբ:

ԱՄԷ այցի ընթացքում հայ գործարար կանանց պատվիրակությունն այցելեց նաև Շարժայի Սբ. Գրիգոր Լուսավորիչ եկեղեցի և հանդիպում ունեցավ հայ համայնքի ներկայացուցիչների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր