Հայաստանը ներկայացվեց Աբու Դաբիի MASDAR գիտակրթական համալիրում

26 փետրվարի, 2013

2013թ. փետրվարի 26-ին Աբու Դաբիի MASDAR ինստիտուտում անցկացվեց "International Day" միջոցառումը, որին ԱՄԷ-ում ՀՀ դեսպանության աջակցությամբ մասնակցեցին նույն կրթահամալիրում սովորող հայ ուսանողները:

Միջոցառմանը, որին մասնակցում էր ավելի քան 30 երկիր, առանձին տաղավարով ներկայացվեց հայ ժողովրդի պատմությունը, հայկական մշակույթն ու գիտակրթական ներուժը, հայկական բնաշխարհի ու զբոսաշրջության մասին լուսանկարներ և խտասկավառակներ:

Ձեռնարկին ներկա էին MASDAR ինստիտուտի պրոֆեսորա-դասախոսական կազմը, բազմաթիվ դիվանագետներ, ուսանողներ և հյուրեր:

Տեղեկանք
Աբու Դաբիի տեխնոլոգիաների և գիտության MASDAR գիտակրթական համալիրում ուսանում են հայաստանցի յոթ ուսանողներ, որոնք մասնագիտանում են տեղեկատվական տեխնոլոգիաների տարբեր ոլորտներում:
MASDAR կրթահամալիրը, որը ստեղծվել է Մասաչուսեթսի տեխնոլոգիական ինստիտուտի (MIT) հիմքի վրա, գործում է Վերականգնվող էներգիայի միջազգային գործակալությանն առընթեր (IRENA):

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր