ՀՀ դեսպան Գեղամ Ղարիբջանյանի հանդիպումը ԱՄԷ Ազգային Դաշնային խորհրդի նախագահի հետ

03 մարտի, 2013

2013թ. մարտի 3-ին ԱՄԷ-ում ՀՀ դեսպան Գեղամ Ղարիբջանյանը հանդիպում ունեցավ Արաբական Միացյալ Էմիրությունների Ազգային Դաշնային խորհրդի (խորհրդարան) նախագահ Մուհամմադ Ահմադ ալ-Մրրի հետ (Mohammad Ahmad Al Murr):

Հանդիպման սկզբում ԱՄԷ Ազգային Դաշնային խորհրդի նախագահը խնդրեց իր շնորհավորանքները փոխանցել ՀՀ վերընտրված նախագահ Սերժ Սարգսյանին:

Երկուստեք կայացած զրույցի ընթացքում քննարկվեցին ՀՀ և ԱՄԷ միջև հարաբերություններին, մասնավորապես խորհրդարանական համագործակցությանն առնչվող հարցեր:

ՀՀ դեսպանի և ԱՄԷ ԱԴԽ նախագահի միջև պայմանավորվածություն ձեռք բերվեց խորհրդարանական փոխայցելություններն ու շփումներն ակտիվացնելու և երկու երկրների խորհրդարանների միջև համագործակցության մասին իրավական փաստաթղթի ստորագրման շուրջ:

Այդ կապակցությամբ, նախագահ ալ-Մրրին վերահաստատեց ՀՀ ԱԺ նախագահ Հ. Աբրահամյանի ԱՄԷ այցի հրավերը, նշելով, որ այն նոր լիցք կհաղորդի երկու երկրների խորհրդարանական համագործակցության զարգացմանը:

ԱՄԷ ԱԴԽ նախագահը բարձր գնահատեց հայ-էմիրաթյան հարաբերությունների մակարդակը և հայտնեց ԱՄԷ իշխանությունների պատրաստակամությունն այն զարգացնելու ու ամրապնդելու ուղղությամբ, միաժամանակ հատուկ ընդգծելով հայ համայնքի կարևոր ներդրումը ԱՄԷ տնտեսական, հասարակական ու մշակութային կայնքի զարգացման գործում:

Զրույցի ընթացքում քննարկվեցին նաև տարածաշրջանային խնդիրներին վերաբերող հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր