ՀՀ փոխվարչապետ Արմեն Գևորգյանի աշխատանքային հանդիպումները ԱՄԷ-ում

19 մարտի, 2013

2013թ. մարտի 19-ին ՀՀ փոխվարչապետ, Հայաստանի Հանրապետության եւ Արաբական Միացյալ Էմիրությունների միջկառավարական համատեղ հանձնաժողովի համանախագահ Արմեն Գևորգյանը Դուբայում հանդիպեց ԱՄԷ զարգացման եւ միջազգային համագործակցության նախարար շեյխա Լուբնա ալ-Կասիմիի հետ:

ՀՀ փոխվարչապետը շնորհավորեց Լուբնա ալ-Կասիմիին` նոր պաշտոնում նշանակվելու կապակցությամբ եւ վստահություն հայտնեց, որ նախկինում արտաքին առևտրի նախարարի պաշտոնում նրա հետ ձևավորված արդյունավետ փոխգործակցությունը կշարունակվի:

Կողմերը քննարկեցին երկկողմ առևտրատնտեսական կապերի ակտիվացման, համագործակցության ընդլայնման հարցեր:

ՀՀ փոխվարչապետը հանդիպում ունեցավ նաև «Մաջիդ ալ Ֆուտտեյմ» («Majid Al Futtaim») ընկերության ղեկավարների հետ: Վերջիններս տեղեկացրեցին Հայաստանում ընկերության կողմից իրականացվելիք ծրագրերի մասին: Երկուստեք փոխշահավետ համագործակցության պատրաստակամություն հայտնվեց: Ա. Գևորգյանը վստահեցրեց, որ ՀՀ կառավարությունը պատրաստակամ է աջակցություն ցուցաբերել ընկերությանը` նախանշված ծրագրերի իրագործման հարցում:

Փոխվարչապետ Ա. Գևորգյանի մյուս հանդիպումը ԱՄԷ գործարար շրջանակների ներկայացուցիչների հետ էր, որի ընթացքում քննարկվեցին գյուղատնտեսության, անասնապահության ոլորտներում փոխգործակցության, ինչպես նաեւ Հայաստանից կենդանի անասունների արտահանման հնարավորությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր