Հայաստանի մասնակցությունը Դուբայի Ամենամյա ներդրումային համաժողովին

05 մայիսի, 2013

2013թ. ապրիլի 30-ից մայիսի 2-ը ՀՀ պաշտոնական պատվիրակությունը և մոտ տաս հայկական մասնավոր ընկերություններ մասնակցեցին Դուբայի Ամենամյա ներդրումային երրորդ համաժողովին (Annual Investment Meeting, Dubai-2013):

ՀՀ պաշտոնական պատվիրակության ղեկավար, ՀՀ էկոնոմիկայի փոխնախարար Տիգրան Հարությունյանը համաժողովի շրջանակներում հանդիպում ունեցավ ԱՄԷ էկոնոմիկայի նախարար Սուլթան բին Սաիդ ալ-Մանսուրի հետ: Հանդիպման ընթացքում քննարկվեցին երկկողմ առևտրա տնտեսական հարաբերություններին առնչվող հարցեր, մասնավորապես հայկական արտադրատեսակների ԱՄԷ արտահանման ծավալների մեծացման հնարավորությունները:

Համաժողովին զուգահ եռ բացվեց նաև ցուցահանդես: Հայկական տաղավարում ներկայացվեցին արտահանման ներուժ ունեցող հայկական մասնավոր ընկերությունների արտադրատեսակները: Մայիսի 2-ին տեղի ունեցավ Հայաստանին նվիրված շնորհանդեսը, որին ներկա էր ԱՄԷ զարգացման և միջազգային համագործակցության փոխնախարար Աբդալլահ ալ-Սալեհին: Շնորհանդեսից հետո փոխնախարար ալ-Սալեհին ՀՀ դեսպան Գեղամ Ղարիբջանյանի ուղեկցությամբ այցելեց հայկական տաղավար:

Նշյալ միջոցառումների շրջանակներում տեղի ունեցան բազմաթիվ գործարար հանդիպումներ և ձեռք բերվեցին համագործակցության շուրջ պայմանավորվածություններ, ինչպես նաև ստորագրվեց փոխըմբռնման հուշագիրը՝ հայկական և օտարերկրյա մասնավոր ընկերությունների միջև:

Տեղեկանք

Դուբայի Ամենամյա ներդրումային համաժողովը տեղի ունեցավ ԱՄԷ փոխնախագահ, վարչապետ և Դուբայի էմիրության կառավարիչ շեյխ Մուհամմադ բին Ռաշեդ Ալ Մաքթումի հովանավորությամբ: Համաժողովին մասնակցում էր 80 երկիր և հետևյալ ոլրտները ներկայացնող 220 ներդրումային ընկերություն՝ գյուղատնտեսություն, սննդի վերամշակում, արդյունաբերություն, էներգետիկա, քիմիական արդյունաբերություն, բանկային և ֆինանսական ապահովագրություն, զբոսաշրջություն, հեռահաղորդակցություն, շինարարություն, անշարժ գույքի առք և վաճառք, հանքարդյունաբերություն, իրավաբանական խորհրդատվություն և այլն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր