ՀՀ դեսպան Գեղամ Ղարիբջանյանի հանդիպումը ԱՄԷ ԱԳ պետնախարար Անվար Գարգաշի հետ

07 մայիսի, 2013

2013թ. մայիսի 7-ին ԱՄԷ-ում ՀՀ դեսպան Գեղամ Ղարիբջանյանը հանդիպում ունեցավ ԱՄԷ արտաքին գործերի պետական նախարար Անվար Մուհամմադ Գարգաշի հետ:

Հանդիպման ընթացքում կողմերը բարձր գնահատեցին երկու երկրների միջև գոյություն ունեցող քաղաքական հարաբերությունները, միաժամանակ կարևորելով առևտրատնտեսական համագործակցության էլ ավելի զարգացումը: Այդ կապակցությամբ զրուցակիցները համակարծիք էին, որ անհրաժեշտ է առավել ուշադրություն դարձնել հատկապես մասնավոր հատվածի միջև համագործակցության ընդլայնմանը:

Քննարկվեցին նաև հայ-էմիրաթյան միջկառավարական համատեղ հանձնաժողովի նիստի գումարման, երկու երկրների միջև գործող ավիաթռիչքներն ավելացնելու, ԱՄԷ-ում հայկական արտադրատեսակների ցուցահանդես և գործարար համաժողով կազմակերպելու հետ կապված հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր