ԱՄԷ Վերահսկիչ պալատի նախագահի այցը Հայաստան

07 մայիսի, 2013

2013թ. մայիսի 7-9-ը պաշտոնական այցով Երևան ժամանեց ԱՄԷ Վերահսկիչ պալատի նախագահ Հարիբ ալ-Ամիմի գլխավորած պատվիրակությունը:

ՀՀ Վերահսկիչ պալատի նախագահ Իշխան Զաքարյանի հետ կայացած հանդիպման ընթացքում քննարկվել են երկուստեք հետաքրքրություն ներկայացնող հարցեր, մասնավորապես, հետագա համագործակցությանը, համատեղ վերահսկողությանը, փորձի փոխանակմանը վերաբերող:

ԱՄԷ վերահսկիչ պալատի նախագահի ընդունել է ՀՀ նախագահ Սերժ Սարգսյանը:

ԱՄԷ Վերահսկիչ պալատի նախագահ դոկտոր Հարիբ ալ-Ամիմին այցելել է Ծիծեռնակաբերդի հուշահամալիր` ծաղկեպսակ դրել Մեծ Եղեռնի զոհերի հիշատակը հավերժացնող հուշակոթողին: Հարիբ ալ-Ամիմը եղել է նաև Ցեղասպանության թանգարանում, ծանոթացել 1915թ. տեղի ունեցած եղեռնի մանրամասներին՝ ցեղասպանության վերաբերյալ լուսանկարներին, փաստաթղթերին եւ գրականությանը: Նա թանգարանի հյուրերի գրառումների մատյանում կատարել է հետևյալ գրառումը. «Դատապարտում եմ տեղի ունեցածը: Նման երևույթները չեն կարող ընդունելի լինել որևէ կրոնի կամ ազգության համար»:

Այցի ընթացքում ՀՀ եւ ԱՄԷ Վերահսկիչ պալատների միջև ստորագրվել է համագործակցության համաձայնագիր: Այն նախատեսում է փորձի փոխանակում, օրենսդրակն դաշտի բարելավում պետական վերահսկողության մեթոդաբանության եւ ընթացակարգերի մշակման, համատեղ եւ զուգահեռ վերահսկողության ոլորտներում և այլն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր