Վերականգնվող էներգիայի միջազգային գործակալության /IRENA/ Ասամբլեայի չորրորդ նիստը Աբու Դաբիում

19 հունվարի, 2014

2014թ. հունվարի 17-19-ը Աբու Դաբիում տեղի ունեցավ Վերականգնվող էներգիայի միջազգային գործակալության /IRENA/ Ասամբլեայի չորրորդ նիստը, որին մասնակցեց ՀՀ էներգետիկայի և բնական պաշարների նախարարի տեղակալ Ա. Գալստյանը:

Ասամբլեայի նիստի ընթացքում քննարկվեցին 2013թ. աշխատանքային ծրագրի իրականացման հաշվետվությունը, Աշխատանքային խմբերի և Քարտուղարության գործունեությունը, ՎԷՄԳ 2014թ. աշխատանքային ծրագիրը և բյուջեն, ՎԷՄԳ նոր անդամների անդամակցության և դիտորդական կարգավիճակին առնչվող հարցը, Խորհրդի ընտրության կանոնակարգի, այլ ընթացակարգային և վերահսկողական հարցեր: Համաժողովի ընթացքում քննարկվեցին վերականգնվող էներգետիկայի ոլորտի զարգացումներին առնչվող հարցեր:

Նիստի շրջանակներում Ա. Գալստյանը հանդիպեց ԻԻՀ էներգետիկայի նախարար Հ.Չիթչյանի հետ, ում հետ քննարկվեց էներգետիկայի բնագավառում Հայաստան-Իրան համատեղ ծրագրերի իրականացման ընթացքը:

Ասամբլեայի ընթացքում հաստատվեցին ՎԷՄԳ-ի հետագա գործունեության կարգը սահմանող մի շարք փաստաթղթեր: Ներկայացվեցին վերականգնվող էներգետիկայի բնագավառում նոր զարգացումները, ինչպես նաև մինչև 2030թ. իրականացվող ծրագրերի վերաբերյալ կանխատեսումները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր