Հայաստանում Կատարի նորանշանակ դեսպանը հավատարմագրերի պատճենը հանձնեց ԱԳ նախարարին

23 փետրվարի, 2015

Փետրվարի 23-ին Հայաստանում Կատարի նորանշանակ դեսպան Ալի Բին Համադ Ալ Սուլայթին իր հավատարմագրերի պատճենը հանձնեց արտգործնախարար Էդվարդ Նալբանդյանին:

Ողջունելով հյուրին՝ նախարար Նալբանդյանը հաջողություն մաղթեց դեսպան Ալի Բին Համադ Ալ Սուլայթիին՝ իր առաքելության իրականացման գործում, և հույս հայտնեց, որ դեսպանն իր գործունեությամբ կնպաստի երկկողմ հարաբերությունների խորացմանը:

Շնորհակալություն հայտնելով ընդունելության և բարեմաղթանքների համար՝ դեսպան Ալի Բին Համադ Ալ Սուլայթին նշեց, որ Կատարը կարևորում է Հայաստանի հետ հարաբերությունների կայուն զարգացումը, և վստահեցրեց, որ կներդնի բոլոր ջանքերը՝ երկկողմ հարաբերությունների ամրապնդման գործում:

Երկուստեք շեշտվեց, որ երկկողմ համագործակցության զարգացման համար առկա է էական ներուժ: Այս համատեքստում անդրադարձ արվեց փետրվարի 7-ին՝ Մյունխենում, Հայաստանի և Կատարի ԱԳ նախարարների հանդիպման ընթացքում ձեռք բերված պայմանավորվածությունների իրականացմանը: Երկուստեք կարևորվեց Երևան - Դոհա օդային հաղորդակցության հաստատումը, որն, ըստ կողմերի, կնպաստի գործարար կապերի, զբոսաշրջության զարգացմանը: Քննարկվեցին իրավապայմանագրային դաշտի ձևավորման, միջկառավարական հանձնաժողովի նիստի անցկացման, արտաքին քաղաքական գերատեսչությունների միջև պարբերական խորհրդատվությունների անցկացման հետ կապված հարցեր:

Զրուցակիցները մտքեր փոխանակեցին տարածաշրջանային և միջազգային հրատապ խնդիրների, մասնավորապես՝ Մերձավոր Արևելքում տիրող իրավիճակի շուրջ:

Նախարար Նալբանդյանը ներկայացրեց ղարաբաղյան հիմնախնդրի խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահ երկրների ջանքերը:

Դեսպան Ալ Սուլայթին Էդվարդ Նալբանդյանին փոխանցեց Կատարի ԱԳ նախարար Խալիդ բին Մոհամեդ Ալ Աթիյահի՝ Դոհա այցելելու հրավերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր