Հաղթանակի 70 ամյակի միջոցառումների համակարգման 3-րդ նիստը

26 մարտի, 2015

2015թ.մարտի 26-ին Աբու Դաբիում ՀՀ դեսպանությունում տեղի ունեցավ Հաղթանակի 70 ամյակի միջոցառումների համակարգման 3-րդ նիստը, որին մասնակցեցին Ռուսաստանի, Ուզբեկստանի, Ղազախստանի, Հայաստանի, դիվանագիտական ներկայացուցչությունների ղեկավարները և «Ռուսական Էմիրություններ» հանդեսի ներկայացուցիչները, ովքեր համակարգում են միջոցառումը։ Բացակայում էին Թուրքմենստանի, Ադրբեջանի, Տաջիկստանի, Բելառուսի և Ղրղզստանի ներկայացուցիչները։ Ուկրաինայի դեսպանը հրաժարվել է մասնակցել տոնակատարությանը։

Ինչպես հայտնել էինք նախկինում, հիմնական միջոցառումը տեղի է ունենալու Մայիսի 9-ին Դուբայի «Մադինաթ Ջումեյրա» հյուրանոցում, որին հրավիրվելու են ԱՄԷ իշխանությունների ներկայացուցիչներ, դիվանագետներ, համայնքային կառույցներ և այլն.։

Հանդիպման ընթացքում քննարկվեցին մի շարք կազմակերպչական հարցեր, այդ թվում՝ հրավիրյալների և հրավիրատոմսերի քանակը, համերգային ծրագրի ապահովումն ու միջոցառման ֆինանսավորման խնդիրները:

Հանդիպմանը որոշվեց, որ դեսպանները կընթերցեն նախապես համաձայնեցված մեկ ելույթն, այլ ոչ թե առանձին ելույթներով հանդես կգան։

Մասնակիցները եկան համաձայնության, որ յուրաքանչյուր դեսպանություն կպատրաստի մի քանի գեղարվեստական համար: Ինչպես տեղեկացրել էինք նախկինում, ՀՀ դեսպանությունը վերոհիշյալ միջոցառմանը ելույթ ունենալու համար պայմանավորվածություն է ձեռք բերել «Բարեկամություն» պարախմբի հետ, որը կներկայացնի հայկական «Քոչարի» պարը:

Որոշվեց նաև միջոցառման անցկացման վայրում կազմակերպել ցուցահանդես, որի համար յուրաքանչյուր դեսպանություն կներկայացնի Հայրենական Մեծ պատերազմին իր երկրի մասնակցությունը լուսաբանող 7-ական լուսանկար:

Պայմանավորվածություն ձեռք բերվեց 4-րդ նիստը նույնպես անցկացնել Հայաստանի Հանրապետության դեսպանությունում 2015թ. ապրիլի 9-ին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր