ՀՀ սփյուռքի նախարար Հրանուշ Հակոբյանի աշխատանքային այցը Աբու Դաբի

26 մարտի, 2015

2015թ. մարտի 26-ից 27-ն աշխատանքային այցով Աբու Դաբիում էր գտնվում ՀՀ սփյուռքի նախարար Հրանուշ Հակոբյանը։

Մարտի 27-ին ՀՀ սփյուռքի նախարարն այցելեց ՀՀ դեսպանություն, որտեղ հանդիպեց դեսպանության անձնակազմի:

Օրվա երկրորդ կեսին ԱՄԷ-ում ՀՀ դեսպանի, դեսպանության աշխատակիցների և հայ համայնքի լայն ներկայությամբ ՀՀ սփյուռքի նախարարն այցելեց Աբու Դաբիի Սրբոց Նահատակաց եկեղեցին և մասնակցեց Ծաղկազարդի առիթով մատուցվող պատարագին, ապա ելույթ ունեցավ Սրբոց Նահատակաց եկեղեցում հավաքված հայ համայնքի ներկայացուցիչների առջև՝ ներկայացնելով իր ղեկավարած նախարարության անելիքները Հայոց Ցեղասպանության 100-րդ տարելիցի կապակցությամբ, ինչպես նաև հայապահպանմանն ուղղված սփյուռքի նախարարության առաջնայնությունները։ Այնուհետև նախարար Հակոբյանը պատասխանեց ներկաների բազմաթիվ հարցերին: Իր ելույթի վերջում, բարձր գնահատելով համայնքային տարբեր կառույցների աշխատանքը, նախարար Հակոբյանը բարեմաղթանքներ հայտնելով հայ համայնքին, կոչ արեց ավելի ակտիվ ներգրավվել համահայկական ծրագրերին՝ հատկապես շեշտելով սփյուռքահայ երիտասարդության կապը Հայրենիքի հետ:

Ելույթի ավարտին տեղի ունեցավ նախարար Հակոբյանի հանդիպումը համայնքային կառույցների ղեկավարների հետ, որի ժամանակ քննարկվեցին Հայոց Ցեղասպանության 100-րդ տարելիցի կապակցությամբ կատարվելիք աշխատանքները:

Նույն օրը, երեկոյան, ՀՀ սփյուռքի նախարարը մեկնեց Հայաստան:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր