Աբու Դաբիի Սբ.Նահատակաց եկեղեցում տեղի ունեցած Ոգեկոչման արարողություններ

23 ապրիլի, 2015

Հայոց Ցեղասպանության 100-րդ տարելիցի շրջանակներում Արաբական Միացյալ էմիրություններում տեղի ունեցան Ոգեկոչման արարողություններ, որոնք լինելու են շարունակական ամբողջ տարվա ընթացքում։

2015թ.ապրիլի 23-ին Աբու Դաբիի Սբ.Նահատակաց եկեղեցում տեղի ունեցած ձեռնարկին ելույթ ունեցան կիրակնօրյա վարժարանի աշակերտներն, Աբու Դաբիի երիտասարդական երգչախումբն, ասմունքեց Ատիս Մուրադյանը, որին հետևեց ,,Հայկական հուշակոթողների վիճակը Արևմտյան Հայաստանում,, տեսաերիզը։
Արաբական Միացյալ էմիրություններում Հայաստանի Հանրապետության դեսպան Գեղամ Ղարիբջանյանն իր խոսքում հիշեցնելով օրվա պատգամն, անդրադարձավ ,,Ընդդեմ ցեղասպանության հանցագործության„ գլոբալ ֆորումում նախագահ Սերժ Սարգսյանի խոսքին և նրա հնչեցրած 4 ուղերձին՝ հիշողություն, երախտագիտություն, կանխարգելում և վերածնունդ։

Կաթողիկոսական փոխանորդ Տեր Մեսրոպ վրդ.Սարգսյանի աղոթքին և օրվա խորհրդին և նահատակների սրբադասմանը նվիրված խոսքին հետևեց մոմավառությունը դեսպան Ղարիբջանյանի ընտանիքի կողմից նվիրաբերված խաչքարի առջև։

2015թ.ապրիլի 23-ին Շարժայի Սբ.Գրիգոր Լուսավորիչ եկեղեցում Մայր Աթոռ Սուրբ էջմիածինից ուղիղ հեռարձակվեց սրբադասման արարողությունը, որին հետևեց Օհաննեսյան վարժարանի աշակերտների աշխատանքների ցուցադրությունն, ապա երկինք արձակվեցին հարյուրամյակը խորհրդանշող 100 փուչիկներ։

2015թ.ապրիլի 24-ին Սբ.Գրիգոր Լուսավորիչ եկեղեցում Սբ.Պատարագից հետո համալիրի բակում տեղի ունեցավ մոմավառություն, ապա Կաթողիկոսական փոխանորդ Տեր Մեսրոպ վրդ.Սարգսյանը, Հայաստանի Հանրապետության դեսպան Գեղամ Ղարիբջանյանը և նվիրատու Վիկտոր Բարութը բացեցին Հայոց Ցեղասպանության 100-րդ տարելիցին նվիրված կոփածո հուշարձանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր