ԱՄԷ-ում Հայրենական Մեծ պատերազմի 70-ամյակի տոնակատարությունների վերաբերյալ

09 մայիսի, 2015

2015թ. մայիսի 9-ին Դուբայի "Մադինաթ Արենա " հյուրանոցում մեծ շուքով անցկացվեց Հայրենական Մեծ պատերազմում հաղթանակի 70- ամյակին նվիրված միջոցառումը, որին մասնակցեցին Ռուսաստանի, Հայաստանի, Բելառուսի, Ուզբեկստանի, Ղազախստանի, Ղրղզստանի, Տաջիկստանի, Թուրքմենստանի և Ադրբեջանի դեսպանությունների ներկայացուցիչները։ Ուկրաինան հրաժարվել էր մասնակցելու տոնակատարությանը։ Որպես պատվավոր հյուրեր, միջոցառմանը ներկա էին և ելույթ ունեցան հանրահայտ օպերային երգչուհի Լյուբով Կազարնովսկայան Ռուսաստանից, Արա Պետրոսյանն ու Սարգիս Բաժբեուկ Մելիքյանը Հայաստանից:

Միջոցառմանը հրավիրված էին նաև ԱՄԷ իշխանությունների ներկայացուցիչներ, օտարերկրյա դիվանագետներ, համայնքային կառույցների ներկայացուցիչներ /շուրջ 750 հոգի/։

Հյուրանոցի նախասրահում տեղադրված էին Հայրենական Մեծ պատերազմում ԽՍՍՀ նախկին հանրապետությունների ավանդն արտացոլող քարոզչական նյութեր, որոնցից աչքի էր ընկնում հայկական ստենդը, ուր ամփոփվել էր հայ հրամանատարների և զինվորների փառապանց ճանապարհը Երևանից մինչև Բեռլին:

Միջոցառման սկզբում կարճ ելույթներ ունեցան մասնակից երկրների դեսպաններն՝ ազգային լեզուներով և ռուսերենով ներկայացնելով իրենց երկրների լուման Մեծ Հայրենական պատերազմում տարած հաղթանակում: Իր ելույթում դեսպան Ղարիբջանյանը շեշտեց, որ ապրիլը հայերիս համար ցավի և հիշողության ամիս է, որին հետևում է հաղթանակների մայիսը:

Համերգային ծրագրի ընթացքում իրենց վարպետությամբ փայլեցին հայկական "Բարեկամություն" պարախմբի տղաներն, ովքեր հայկական բանակի զգեստով և Հայաստանի դրոշը ձեռքերում կատարեցին հաղթական "Քոչարի "պարը: Բազմազգ հանդիսատեսի մոտ մեծ հաջողություն ունեցան նաև Երևանից ժամանած Արա Պետրոսյանն ու Սարգիս Բաժբեուկ Մելիքյանը, ովքեր կատարեցին Միքայել Թահրիվերդիևի և Առնո Բաբաջանյանի ստեղծագործությունները:

Միջոցառման տեսանյութերը կարող եք ներբեռնել այստեղից

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր