Հայոց Ցեղասպանության 100-րդ տարելիցի միջոցառումներ

10 մայիսի, 2015

2015թ. մայիսի 10-ին Հայոց Ցեղասպանության 100-րդ տարելիցին նվիրված միջոցառումների շարքում Արաբական Միացյալ Էմիրություններում Հայաստանի Հանրապետության դեսպանության դահլիճում տեղի ունեցավ Ավագ Պետրոսյանի 100-ամյակին նվիրված երեկո, որին մասնակցեցին հայ համայնքի ներկայացուցիչները և դեսպանության հյուրերը:

Միջոցառման սկզբում ելույթ ունեցավ ՀՀ դեսպան Գեղամ Ղարիբջանյանը՝ ներկայացնելով Հայոց Ցեղասպանության ոգեկոչման միջոցառումներ, որից հետո ցուցադրվեց վերջերս նկարահանված հայկական օպերայի ռահվիրա՝ Ավագ Պետրոսյանի 100-ամյակին նվիրված փաստա-վավերագրական ֆիլմը, ապա Երևանից ժամանած բաս-բարիտոն Սարգիս Բաժբեուկ Մելիքյանը, Ավագ Պետրոսյանի որդի՝ դիրիժոր-դաշնակահար Արա Պետրոսյանի նվագակցությամբ կատարեց Կոմիտասի, Չուխաջյանի, Արամ Խաչատրյանի, Վերդիի, Խրեննիկովի և մի շարք այլ կոմպոզիտորների ստեղծագործություններն, արժանանալով հանդիսատեսների բուռն ծափահարությունների:

Երեկոյի ավարտին գիտնական-արևելագետ Հասմիկ Ստեփանյանը ներկայացրեց իր գրչին պատկանող և ՀՀ նախագահի մրցանակին արժանացած "Հայերի ներդրումն Օսմանյան կայսրությունում" աշխատանքը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր