Շախմատի աշխարհի 14-րդ համալսարանական առաջնություն

15 ապրիլի, 2016

2016թ. ապրիլի 15-ին Աբու Դաբիի Ռոտանա Խալիդիյա Ռեյհան հյուրանոցում ավարտվեց Շախմատի աշխարհի 14-րդ համալսարանական առաջնությունը, որին մասնակցում էին 49 երկրների ներկայացուցիչներ, այդ թվում ՀՀ հավաքականը՝ 4 մասնակիցներով /Հովհանես Գաբուզյան, Սամվել Տեր-Սահակյան, Տիգրան Պետրոսյան. Մարիա Գևորգյան/:

Տղամարդկանց անհատական մրցաշարում 1-ին տեղը զբաղեցրեց հայաստանցի տաղանդավոր երիտասարդ գրոսմայստեր Հովհանես Գաբուզյանը, արձանագրելով փայլուն արդյունք, և հավաքելով 9 հնարավորից 8 միավոր, իսկ Հայաստանի թիմը զբաղեցրեց 2-րդ՝ պատվավոր տեղը, զիջելով միայն ՌԴ հավաքականին:

Առաջնության բացման և փակման արարողությունների ընթացքում կազմակերպիչների կողմից հնչեցվեցին բազմաթիվ գովասանքի խոսքեր Հայաստանի շախմատի ֆեդերացիայի և նրա նախագահ՝ ՀՀ նախագահ Սերժ Սարգսյանի հասցեին՝ այն ուշադրության համար, որը ցուցաբերվում է Հայաստանում շախմատի զարգացման վերաբերյալ:

Հատուկ նշվեց այն հանգամանքը, որ շախմատն, իբրև պարտադիր առարկա, ուսումնասիրվում է ՀՀ դպրոցներում, ինչը և հանդիսանում է հայաստանցի շախմատիստների բազմաթիվ հաջողությունների գրավականը և արժանի է կրկնօրինակման այլ երկրներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր