Հայոց ցեղասպանության 102-րդ տարելիցի ոգեկոչում

26 ապրիլի, 2017

2017թ. ապրիլի 23-ին Դուբայի և Հյուսիսային Էմիրությունների ազգային վարչության կազմակերպմամբ Շարժայի Ս. Գրիգոր Լուսավորիչ եկեղեցում տեղի ունեցավ եկեղեցական արարողություն՝ նվիրված Հայոց Ցեղասպանության զոհերի հիշատակին: Արարողությունից հետո դասախոսությամբ հանդես եկավ Շվեյցարիա-Հայաստան ընկերակցության պատվո նախագահ Սարգիս Շահինյանը:

2017 թ. ապրիլի 24-ին Աբու Դաբիի Ազգային Վարչության կազմակերպմամբ, Ս. Նահատակաց եկեղեցում Արաբական Միացյալ Էմիրություններում և Կատարում Մեծի Տանն Կիլիկիո կաթողիկոսական փոխանորդ Գերաշնորհ Տեր Մեսրոպ Ծ. Վրդ. Սարգսյանի նախագահությամբ մատուցվեց Հայոց Ցեղասպանության սուրբ նահատակներին նվիրված պատարագ:

Ներկա էին Արաբական Միացյալ Էմիրություններում և Կատարում ՀՀ դեսպան Գեղամ Ղարիբջանյանը, դեսպանության դիվանագետներ, ազգային մարմինների ներկայացուցիչներ, հայ համայնքի անդամներ և հյուրեր:

1915 թ. Հայոց Ցեղասպանության զոհերի անմեղ հոգիների հոգեհանգստյան պաշտոնին հաջորդեց մոմավառություն և ծաղիկների զետեղում դեսպան Ղարիբջանյանի ընտանիքի կողմից նվիրաբերված խաչքարի առջև: Այնուհետև Սուրեն Կոժակյան սրահում ներկայացվեց գեղավերստական միջոցառում, որից հետո ելույթներով հանդես եկան ՀՀ դեսպան Գեղամ Ղարիբջանյանը և Քուվեյթի Ազգային ճեմարանի տնօրեն Ներսես Սարգիսյանը:

Վերջում ելույթ ունեցավ Արաբական Միացյալ Էմիրություններում և Կատարում Մեծի Տանն Կիլիկիո կաթողիկոսական փոխանորդ Գերաշնորհ Տեր Մեսրոպ Ծ. Վրդ. Սարգսյանը:

2017 թ. ապրիլի 23-ին Դոհայում անցկացվեց հիշատակման երեկո ՀՀ դեսպան Ղարիբջանյանի և Կատարի ազգային վարչության նորընտիր անդամների մասնակցությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր