Հայոց Ցեղասպանության 103-րդ տարելիցի շրջանակներում Արաբական Միացյալ Էմիրություններում շարունակվեցին Ոգեկոչման արարողությունները:

27 ապրիլի, 2018

2018թ. ապրիլի 27-ին Աբու Դաբիի Ս. Նահատակաց եկեղեցում, ապրիլյան սրբադասվածներին նվիրված երեկոյան ժամերգությանը հաջորդեց ծաղիկների զետեղման արարողությունը դեսպան Ղարիբջանյանի ընտանիքի կողմից նվիրաբերված խաչքարի մոտ:

Համալիրի սրահում ելույթ ունեցան կիրակնօրյա Արա Խանոյան վարժարանի աշակերտները, երիտասարդական երգչախումբը, որոնց հետևեց Պետրոս Պետերճիկյանի բանախոսությունը:

Արաբական Միացյալ Էմիրություններում Հայաստանի Հանրապետության դեսպան Գեղամ Ղարիբջանյանը իր խոսքում հիշեցնելով օրվա պատգամը, անդրադարձավ վերջին օրերին Հայաստանում տեղի ունեցող իրադարձություններին, որոնց անցնցում լինելը, առաջին հերթին, պայմանավորված է իսկապես պետական այրեր՝ երկրի նախկին վարչապետ Սերժ Սարգսյանի, ով սահմանադրությամբ ունենալով անհրաժեշտ լծակներ, ընտրեց հրաժարականի ճանապարհը և Հայաստանի Հանրապետության Նախագահ Արմեն Սարգսյանի համարձակ և լայնախոհ քայլերի շնորհիվ:

Երեկոն ավարտվեց Արաբական Միացյալ Էմիրությունների և Կատարի թեմի Կաթողիկոսական փոխանորդ Գերաշնորհ Տեր Մեսրոպ եպիսկոպոս Սարգսյանի խոսքով, ով նշեց, որ Հայաստանի, Արցախի և Սփյուռքի եռամիասնության շնորհիվ, այսօր ունենք նոր իրողություններ, իսկ հանդարտությունը կօգնի մեր ժողովրդին ունենալու նոր ձեռքբերումներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր