Հանդիպում Շարժայի Էմիրության կառավարիչ դոկտոր Շեյխ Սուլթան Բին Մոհամմադ Ալ Կասիմիի հետ

24 հունիսի, 2016

2016թ. հունիսի 23-ին Արաբական Միացյալ Էմիրություններում Հայաստանի Հանրապետության դեսպան Գեղամ Ղարիբջանյանը հանդիպում ունեցավ Շարժայի Էմիրության կառավարիչ դոկտոր Շեյխ Սուլթան Բին Մոհամմադ Ալ Կասիմիի հետ:

Հանդիպման սկզբում դեսպան Ղարիբջանյանը փոխանցեց Հայաստանի Հանրապետության Նախագահ Ս. Սարգսյանի, Ամենայն Հայոց Կաթողիկոս Գարեգին Բ-ի և վարչապետ Հ. Աբրահամյանի ողջույնները, ապա տեղեկացրեց, որ հունիս 24-ին, որպես ուխտագնաց Հայաստան է ժամանում Նորին Սրբություն Հռոմի Պապ Ֆրանցիսկոսը:

Շնորհակալություն հայտնելով բարեմաղթությունների համար Շեյխ Կասիմին ասաց, որ մշտապես հետևում է տարածաշրջանային զարգացումներին,նշելով նաև,որ տեղեկացված է Հաղարծին վանքային համալիրի բարվոք վիճակի մասին:

Անդրադառնալով Հայաստանի և Շարժայի Էմիրության միջև առևտրատնտեսական ոլորտում համագործակցության զարգացմանն առնչվող հարցերին Շեյխ Կասիմին վերահաստատեց ՀՀ վարչապետ Հ. Աբրահամյանի հետ ձեռք բերված պայմանավորվածությունը Շարժայում առևտրատնտեսական կենտրոն հիմնադրելու վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր